Skip to main content

Tek tla leh a inven dan


REMRUATA RALTE

To thli haw hun leh tek tlak hun kan lo thleng leh tan ta a, tek tla hian pawi a khawih rual rual in thatna a nei bawk a, tin tek tla laka kan lo him zawk theihna turin ka rawn buatsaih ve a ni. Source hi keima Website a ni a, in lo tlawh ve thin dawn nia. Source: (Keima website tho) http://nunkhua.weebly.com/tek-tla-leh-invendan-thenkhatte.h…

TEK TLA LEH INVEN DAN THENKHATTE

1. Kawlphe hi engatinge a kawi zawr zawr kher?
Ans- Kawlphe hian a kalna kawnga boruak awm te chu a ti khang a, daltu tlemna lam boruak apiang a pan avangin a kawi zawr zawr thin a ni.

2. Tek tlak laiin khawiahnge awm loh tur?Ans- Tek tlak lain thing mal din emaw, thing sang tak hnuaiah leh kiangah te , in sasng tak bulah te, lui luang laiah te, phul zawl zau takah te leh luiah te awm loh tur a ni.

3. Tek tlak laiin khawi hmun nge him ber?
Ans- Inchhung pindan lairil, meikhuchhuahna hlatna laiah awm a him ber ang. (Pindan lairil tih hi bang atang a hla theiang ber a nih chu. A hlat dan in kawngro a su hle a ni) Khawlaiah kan awm anih chuan Motor chhungah lut in thir engmah khawi lo ila a him.

4. Thingbuk hnuaia ding te engatinge tek in a den duh bik?
Ans- Lei lam leh chum lama electric charge inpawhna atan thing chu hman a ni duh a, chu thing chu tekin a den chuan thing chu deng zel lovin a bul mihringah a kawi thuai a, mihring kha a deng ta thin a ni. A chhan chu thing aiin mihring taksa in Electric Charge hipna a na zawk a, tek chu hip tu tam zawk apiangah a pakai mai thin a ni.


5. Engvanginnge khawpui a rik veleh bang ngheng a din emaw thut hi a hlauhawm?Ans- Tek in bang a rawn zui thei a, tek kalna tur kawng tha mihring taksa a lo awm chuan tek chu a rawn kawi thuai dawn a ni.


6. Eng vangin nge tek tlak lai vela electric bell hmeh rik a hlauhawm?Ans- Electric Bell hrui te hi electric kal duhna tha an ni a, electric hrui kha tekin a rawn zawh a kan khawih lai a nih chuan min deng ve mai dawn a ni.


7. Tek tlak laiin thir lam chi khawih a hlauhawm em?Ans- Hlauhawm e, thir lam chi engmah khawih loh tur. Thir ah hian electric a kal tha duh em em a, kan lo khawih chuan min deng ve mai dawn a ni.


8. Tek tlak lain engatinge mipui tamtak zinga awm a hlauhawm?Ans – Mihring taksa nung hi electric kal duhna a ni a, chutiang tamtak awm khawm na chuan electric tha chak zawk a ko thei a, a nih loh vek leh chu lai hmun chu tekin a deng dawn a nih pawh in electric tha tamtak kalna atan mihring taksa tamtak kha kha tek den nan a khan bik a, a chhan chu kan sawi taw hang khan mihring taksa hian electrical charge a hip nasat vang a ni a, a hlauhawm thei hle.


9. Tek tlak lain Cinema Hall, Biakin leh School a hlauhawm bikna chhan enge?Ans – Mi tamtak awm khawmna leh an thawkchhuah boruak hnawng chuan tek a kova, a hlauhawm bik a ni.


10. Tek tlak laiin pawnah awm ta ila khawi lai hmun nge him be rang?Ans – Thing, Tower , tuiluang atanga meter 20 -30 vel a hla ah a him ber ang.


11. Tek tlak laiin lirtheia chuangte tan engtia awm tur nge?Ans – Motor bang emaw kawimaw lai thil eng engemaw ngheng leh tawk lova awm a him ber.


12. Pindan lai taka awm hi engvangin nge tek tlak laia a him?Ans – Tek hian bang a zui deuhber a, pindan lai takah kan awm chuan kan him thei a ni.


13. Tek laka inven him dan enge ni?Ans –Inchung sang laiah darsen thir (Copper) / Aluminium, fei zum anga ulhkawih thleh kan tar ang. Copper wire dangin kan zawm anga a hmawr lehlam ah thir tum kan hling anga lei chhungril hnawng chinah kan phum ang. Darsen zum hi inchung atanga sang deuh a boruak a han tar tur a ni. Tek a lo tlak pawh in in deng lovin leiah a lo la kawi in a chiahral dawn a ni. He hi Lightning Conductor an ti


14. Tekin thing a den hian a ut thual thin a, hei hi eng vang nge?Ans – Tekin thing a den hian thing chu a ro a nih chuang electric kalkawng thalo tak a niin tek kallai chu a lo dang nasa mai a, electric hi kalkawng daltu a awm chuan a lo sa vak thin a, chumi sa chuan thing chu a ti ut thin a lo ni.


15. Tek tla hi enge a tangkaina?
Ans – Mihringte hi boruak Oxygen hip lut loin rei kan dam theilo a, chu boruak chu thlai ten an chaw siam laia an tihchhuah a ni. Thlaiin chaw siam turin ni eng, aman hrinna leh lei atanga leichi tui nen a hip luh a tul bawk a, heta leichi hi Nitrate a nia, Nitrate chu Nitric acid leh thil dang inpawlh a ni a, nitric acid chu ruahin boruak a a rawn tlen thlak a ni. Chu boruak chu Nitrous Oxide a ni. He Nitrous Oxide hi boruaka oxygen leh nitrogen inbelhbawm a ni a, chumi inbelhbawm theitu chu “tek tla” hi a ni tlat mai. Englai pawhin khawvel hmun hrang hrangah hian a tek tla reng a, Second khat ah vawi 300 zel tla ang a ni. Tichuan tek tla hi kan nunna atan thil pawimawh tak a lo nih chu. Boruak hip tur kan neih theih nan a Pathian ruahmanna mak tak a lo nih chu.

16. Tek vawikhat tla hi engzatman nge?
Ans – Tek vawikhat phe zawk hi Second khat hmun sangkhat a then a hmun khat chauh a ni a, kawl a phet zawk hian electric tha chakna Volt 50,000,000 a tichhuak a, Current 200,000 Amperes a pe chhuak a, Power a pekchhuah zat chu 5,000,000,000,000 Watt vel (Average) a ni. In ah hian electric kan chhit hian Watt sangkhat, darkar khat kan chhit hian Rs 1.50p vel in chhut ila, chutianga chhut chuan khiti zozai Watt khian 5,000,000,000 Kilowatt (Kw) a tichhuak a. A pekchhuah hunchhung hi 1/1000 Second a ni a, darkar a kan chantir chuan 1/3600x1000 Hour a lo ni a, tichuan Electric Power a pekchhuah zat chu hetiang hi a lo ni ang –=> 50000000000/3600x1000 Kwh = 1400Kwh a lo ni a. 1Kwh zelah Rs 1.50 kan chawi anga chhut chuan vawikhat kawlphe zawr hi Rs 1400x1.50p = Rs 2100 man vel a nih chu.Hei hi vawikhawt de zeuh man a ni a, Secondkhat chhung lek hian phe nawn awn awn ta sela a man zat tur chu Rs 2100x1000= Rs 2,100,000 man lai a lo tling dawn a ni.Current man khi tunah phei chuan a sang tawh a, tuna mi ang hian chhut phei ila chu vawikhat tek tla man a sang thei viau awm e.

Popular posts from this blog

Eng-Mizo Dictionary leh Mizo-Eng Dictionary Hmandan kimchang.

Eng-Mizo Dictionary leh Mizo-Eng Dictionary hmandan hi hrelo tam tak kan awm niin a lang a, He Dictionary ah hian Word load lo chuan thu tam tak a hmu lo thin a, He Application hi i install veleh hawrawp 'a' hi Eng-Mizo Dictionary-ah hian 1547 search chhuah a ngai a, word load a tang a nih chuan Setting>> Applications >> Manage Application >> Downloads ah dictionary kha data clear a. Word load leh tur a ni. Word load dan: 

RAM lian 1GB RAM chin chunglam tan Vawikhat 'a' word i search a ang, 5minutes i ngak anga. Application close loh tur. 5minutes hnu ah 'a' word tho i search leh ang a. I chawl leh hlek anga. Word a hnuaia mi ang khuan i search chhuak dawn nia. ===================== Eng-Mizo Dictionary 'a' 1547 word
 Mizo-Eng Dictionary V1.4 update 'a' 709 word
https://www.dropbox.com/s/0lehiuxyrcit2e8/Mizo-Eng%20Dictionary.apk?dl=0=====================

I vawikhat search-naah khan search result-ah a chunglamah Number a rawn lang zel a, …

SIM CARD HRANG HRANG AIRTEL,RELIANCE,AIRCEL,BSNL,VODAFONE,IDEA THIL TRANGKAI:

1.AIRTEL:

Main Bal/Int pack/sms pck -*121*2#,
 INT settings - sms 'FUN' or 'MO' to 543210,
 UNSUB(VAS) - 'STOP' 121COMPANY call - START 0 to 1909
SIM no.enna - *282#, BAL Transfer na - Dial*141*1#,
 LOAN pukna - *141*10#,
 BAL atanga internet pck activate na -*567# ,
 Sms pck act na -*444#PUK - sms PUK(Space)i no. To 9862341400,
 Msg centre No. - 919862029007 Internet Setting dilna: MO send to 54321

2.RELIANCE :
Main BAL - *306#
Sms pck/min Bal - *367*2#
INT pck - Sms 'MBAL' to 55333
 INT settings - Sms 'ALL' to 55100
UNSUB(VAS) - 'STOP' to 155223
COMPANY Call - START 0 to 1909
SIM NO.enna - *1#
BAL Transfer na - Dial *367*3#
LOAN pukna - Sms 'YCR' to 51234MSG centre no. - 919863002222 Internet Setting dilna: Aircel type ALL or PI send to 121
3.AIRCEL :
Main BAL - *125# OR *128#INT pack - *129#
INT settings - sms 'PI' or 'ALL' to 121
UNSUB (VAS) - 'STOP' to 15522
3COMPANY call - call 1909
SIM no enna - *234*4#  or *131#or *1#
BAL t…

SETTOP BOX (Willett company) REMOTE SYNC DAN:

Settop box nei tawh ten Remote pahnin pathum hum reng kan peih lo tlangpui ang. Settop box a Volume phei chu 32 thleng a awm a, thenkhat tan chuan a ring tawk lo thei. tin, TV power off dawn a remote pahnih chhawp ziah pawh a ninawm thuai ang. A hnuaia mi ang hian ilo set ve mai dawn a nia. 1. Settop remote leh TV remote kha in sichat in; sensor veve in hawitawn tir la. 2. Settop remote ah khan SET tih (TV control tih chhung a mi) kha hmet vang vang rawh. Light a rawn sen phet ang. 3. Settop Remote a TV control tih chhung a V+ kha hmet lang. 4. TV Remote a volume + hmet leh rawh. a phe kha a muang atanga a phet zeuh zeuh hunah SET tih kha i hmet leh ang. Settop Remote a TV control a V+ kha TV zawnah hmet lang. TV volume a lo ring tawh ang. chu tiang chiah chuan V- te TV-IN (AV1-3) te, TV Power te kha set leh mai tur a ni.