Skip to main content

WHATSAPP CHANCHIN

WHATSAPP CHANCHIN

WhatsApp chu smartphone internet thahrui inpawh tawnna hmanraw chi khat, phone number leh internet hmanga tunlai inbiakpawhna hmanraw lar ber a ni tih kan hretheuh awm e.  Kumin Jan-ah mi mtd 700-in an hmang a, Apr-ah mtd 800-ah a pung a. A lar ber WhatsApp bakah, wechat (mtd 488), Viber (mtd 209) te pawhin hriat an hlawh hle a, smartphone chauh loah pawh hman theih na tur phone siam pawh a awm tawh a ni.

Hmuchhuaktute chanchin:
Yahoo-a computer engineer Brian Acton leh Jan Koum te chuan Sep 2007 -ah an hna bansanin Facebook-ah hna an dil hlawhchham a. Koum-a phei chu Yahoo-a a thawh laia a sum khawl $nuai 4 ringin a teihawi ta a, 2009 Jan-ah Koum-a chuan a iPhone lei that atangin, iPhone App store-a download their applications (apps) chu a lar chho hle tih a hria a, "Internet leh phone number tangkawpa, internet man chauh chawia thil thawn/dawn theihna apps mawl leh awlsam tak siam ta Ila..." tiin a ngaihtuah a.  A thian Brian Acton-a nen, thian dang Alex Fishman-a an sawi phur pui ta bawk a, Mahse iPhone developer tel lova an tih theih loh avangin Fishman-a chuan Russian Igor Solomenikov chu thawhpuiah a sawm a, an thawk ho ta a ni.

WhatsApp hming tobul:
'Whatsapp' tih hi Koum-a ngaihtuah chhuah a ni a. "What's Up?" lamrik chu "Engtizia nge ni ta? /Eng thil nge thleng?"  tihna a ni a. A hawrawp thlakin "Eng (Software) app (Application) nge?" tihna a ni thei tho a. Tunhmain (y) (thumbsup) hi khawvel ram tamtakah zaizira "A tha ka ti e" tih lantirna a ni lem lo. Mahse Facebook-in an hman tlat avang leg, FB hmangtu khawvel mihring 20.57% (ftd 7 zinga 1.44) kan lo awm tak avangin khawvel pumah (y) kan lo hmang ta a ni. chutiang bawkin, mihring vaibelchhetak 8-in WhatsApp kan hman tak avangin,  What's up? awmzia chu "WhatsApp" (Eng Application nge nita....!? tih a lo ni ta a ni.


Maktaduai 800 sulhnu:
2009-a bul an tan lai chuan an thil siam chu a chhe (crash) ngun hle mai a, Koum-a chu a beidawng titih tawh a, Mahse, Acton-a chuan, "Hawh, beidawn ngawt ai chuan thla hnih khat lek i nghak leh ang",  a ti a, hlawhtlin hun an nghak chhuak ta a, 2009 Jun-ah a thawntuin a thil thawn an en leh en loh hriat theihna dah an rawt angin an dah leh ta a ni. Hmangtu mi nuai 2.5 an rawn tling ta thut mai. 2009 -ah Acton-a chuan mi panga hnenah Cheng nuai 150 vel theuh thawhkhawm a, tih takzet a  bul tanpuiah a sawm ta a, iPhone App Store-ah Nov ah an hlangkai a.  A hnu  thla hnihah Blackberry milin an Siam leh a. August 2010 atangin smartphone tamzawk Android smartphone milin an siam leh ta a. Kum 3 chhungin hmangtu mtd 200 an nei a. Atira thawktu mi panga (5) kha mi 50 lai an lo ni ta a ni. 2015 jan-ah phei chuan WhatsApp kal tlanga thil thawn chhuah hi nikhatah nitin in thluklehdingawn 30 chuang an lo nita hial a ni.

WhatsApp neitu Facebook:
Facebook chuan inpawhna atan internet chauh a hmang a, WhatsApp chuan internet leh smartphone a hmang kawp a, 2014 kum tirah WhatsApp hlut zawng chu $tld 1.5 vel nia chhut a ni a. A len chhoh zel chuan reiloteah Facebook a khing phak dawn tih hriain Facebook chuan 2014 Feb ni 19-ah $ tld 19 hu vel in a lei a ni. Facebook dawr Lian bulah an zawrh ang zuar WhatsApp dawr tereuhte an rawn Inhawng thara. An lunin an thang chak nek mai a, Dawrte chuan dawrlian chu a rawn dip dawn tih Facebook chuan an hria a. Dan dik tak a dawr hawngtu chu an hnawt bo ngawt thei silo va, WhatsApp dawr hlut zawng chu cheng khat leh duli lek a la nih laiin, an hralh loh theih lohna tur khawp atam, cheng 19-in WhatsApp dawr chu a signboard chawpin a kharsak tawp mai tihna a nih chu...! Social Media Company inleina sang ber a la ni.
Facebook ngei vanga WhatsApp hmangtu mi tam takin WhatsApp chhuahsanin hmanraw dang an hman phah a. WhatsApp anpui Telegram chuan hmangtu mtd 8 an neih  belh a. Iran Sawrkar chuan Facebook neitu  Mark Zuckerberg-a chu "American Zionist a ni" an tih avangin WhatsApp chu an rama hman an khap phah bawk.

Fakna awm lo:
Social Media hmangtute 'pindan kawngka biang' a fakna lo intar ve sek thin hian, mimal fianrial zalenna a dipa hriatna a nasa zel a. Fakna thupa search engine mawl tak anga langa Google-in an siam hi hmangtu tan a nelawm a, Google chuan an hlawhtlinpui a ni. Hei hi entawnin WhatsApp hian, fakna aihah hman man khawn a tum a ni.

Internet -a kan phone number, mail, address leh man nihna dang kan tarlante hi, sumdawngten min  chhui letna ramchangah an lo hmang a. Ralchah dawra pheikhak kan zawn chuan lei lo mah ila, a zawngtu chu min rawn chhinchhiah zui a, kan ' pindan kawngka biang' ah pheikhawk lem mit la deuh deuh an rawn tar zui sek tawh mai thin. Jan Koum-a hian, Yahoo-a Brian-a nena an thawhho laia Anni leh engineer dangte hna lian ber chu 'thang' tha zawk kam a ni ber. chu chu mipuiin an ning hle tih hriain, "Heti lo zawnga mipui tana hna thawh dan hi awmin kan ring, WhatsApp hi kan siam ta a ni," a ti.

Man chawi ngai dawn:
Fakna a tel si loh chuan, phone bill kan pek ang hian, WhatsApp hi (la free rih  mah se ) a hman man kan chawi a la ngai dawn. A tel lova awm thei lova inhre khawpa kum khat vel min han tem virtir hnuah, a man (kum 1:Rs 53, kum 3:Rs 145, kum 5:Rs 202.01 ) chawi dan tur duan lawk vek a ni tawh. A hmangtu mipuite hian kum khat atan Rs 53 theuh pawh lo pe ta ila, kum khatah vaibelchhe 4,240 kan thawhkhawm dawn tihna a ni...! Google Wallet etc... hmangin i pe thei a, midang pawh i peksak thei bawk. I pawisa pek hnuah phone number i thlak pawhin a buaichuang lo. Free-Account a tawp hnuah pawisa pek loh pawhin (Whatsapp anpui dangah i pem an hlauh vangin) thlahnih khat chu an nghak tho mai thei che. India ram hi, SMS thawn man takngial pawh hautaka hria tamna ram kan ni a, chuvangin, a tlawm zawk WhatsApp hi india-ah a thang chak hle. 2014 Oct-ah khan, khawvel puma WhatsApp hmangtu 10% (mtd 70) chu India mi kan ni.

Hriat atana thate:
WhatsApp hi a mawlin hman a awlsam a, hman dan tlanglawn thenkhat tarlang ila,

Hman theih dan:
WhatsApp hmangin smartphone handset nei apiang inzawm ngawt theih a ni lo. Internet Connection eng chi ber emaw (WiFi, 3G....etc) neih a ngai a. phone -ah WhatsApp thuna tihnun ve ve a, contact list -ah indah tawn ve ve hnua inzawn chhuah ngai a ni.

Information :
Thil i thawn chhuah in, i thil thawn tawh chu han hmet vang vang la, chung lamah information (i) enna a lo lang ang. a dawngtu in a lo en hun a lo lang ang. Group-a thil i thawnin, (i) atang hian a lo chhiartute i en let thei ang.

An dawng ngei em?
a). I thil thawn sirah √√ (double tick mark) a awm chuan a dawng ngei tihna a ni a.

b). I thil thawn sirah tho chuan √√ (double tick mark blue ) a pawlin a awm chuan a dawng a, a chhiar (Read) tawh tihna.

c). I thil thawn sirah √ (single tick mark) a awm chuan i thawnchhuak a, ala dawnglo tihna.

d). I thil thawn sirah • (dot) a awm chuan nangman signal i neih loh vang emaw in i thawn chhuak lo tihna.

Backup (vawng tha):
WhatsApp hian zing dar 4-ah i thil thawn / dawnte a vawng tha zel a. i duh chuan Settings>>Chat settings>>Back up chats -ah nangmahin i back-up thei. I paih tawh neih leh i duh chuan uninstall emaw Application Clear data emaw la, install / WhatsApp setup laiin restore a lo lan hunah restore hmet la, i memory/ SD card a i back-up sa chu i hmu leh thei ang. tin, I sulhnu mamawh tawh lohte chu Archive-ah i dah thei bawk.


Privacy: WhatsApp hian a hranpa in password hranpa dahna a  nei lova, password dah duh chuan application dang hmanga password dah a ngai a ni. WhatsApp i hawn (open) hnuhnun ber hun kha midangin lo hre ve zel lo se i duh chuan Privacy>>Last Seen>>Everyone kha thlak theih a ni. I personal info i thup duh pawhin midang info pawh i hmu theilo ang.

Block:
Midang WhatsApp hmang ve in i WhatsApp hmang ve hmuh i duh loh chuan awlsam takin i block thei bawk.

Home Screen:
Computer desktop a application shortcut kan dah ang hian i smartphone home screen-ah i dah thei bawk.  (WhatsApp a i thian te i chat-na awmsa list ah khan i duhber kha hmet vang vang (long press) la, "add chat shortcut" kha hmet rawh. i phone home screen en la, a lo lang ang.

I sulhnu (history):
Settings>> Account>>Network Usage kha hmet la, WhatsApp i hman lai data zawng zawng, i dawn zat te i thawnchhuah zat te, etc... MB thlengin i hmu thei ang.

Font Size:
Settings>>Chat Settings>>Font Size i hmu ang. thlang mai rawh. mit chaklo tan a lian ber 'Large' hmuh nuam tak a ni.

Call and Receive:
WhatsApp hi version tharah chuan phone a top up man chawia kan inbiak ang khan call leh receive a theih tawh a, internet man kan chawi thung a ni. he mi hmang tur hian internet chak tha tak a ngai a ni. Mizoram internet chuan kan la zo chiah lo niin a lang.

LENGZEM -JUNE

Popular posts from this blog

Eng-Mizo Dictionary leh Mizo-Eng Dictionary Hmandan kimchang.

Eng-Mizo Dictionary leh Mizo-Eng Dictionary hmandan hi hrelo tam tak kan awm niin a lang a, He Dictionary ah hian Word load lo chuan thu tam tak a hmu lo thin a, He Application hi i install veleh hawrawp 'a' hi Eng-Mizo Dictionary-ah hian 1547 search chhuah a ngai a, word load a tang a nih chuan Setting>> Applications >> Manage Application >> Downloads ah dictionary kha data clear a. Word load leh tur a ni. Word load dan: 

RAM lian 1GB RAM chin chunglam tan Vawikhat 'a' word i search a ang, 5minutes i ngak anga. Application close loh tur. 5minutes hnu ah 'a' word tho i search leh ang a. I chawl leh hlek anga. Word a hnuaia mi ang khuan i search chhuak dawn nia. ===================== Eng-Mizo Dictionary 'a' 1547 word
 Mizo-Eng Dictionary V1.4 update 'a' 709 word
https://www.dropbox.com/s/0lehiuxyrcit2e8/Mizo-Eng%20Dictionary.apk?dl=0=====================

I vawikhat search-naah khan search result-ah a chunglamah Number a rawn lang zel a, …

SIM CARD HRANG HRANG AIRTEL,RELIANCE,AIRCEL,BSNL,VODAFONE,IDEA THIL TRANGKAI:

1.AIRTEL:

Main Bal/Int pack/sms pck -*121*2#,
 INT settings - sms 'FUN' or 'MO' to 543210,
 UNSUB(VAS) - 'STOP' 121COMPANY call - START 0 to 1909
SIM no.enna - *282#, BAL Transfer na - Dial*141*1#,
 LOAN pukna - *141*10#,
 BAL atanga internet pck activate na -*567# ,
 Sms pck act na -*444#PUK - sms PUK(Space)i no. To 9862341400,
 Msg centre No. - 919862029007 Internet Setting dilna: MO send to 54321

2.RELIANCE :
Main BAL - *306#
Sms pck/min Bal - *367*2#
INT pck - Sms 'MBAL' to 55333
 INT settings - Sms 'ALL' to 55100
UNSUB(VAS) - 'STOP' to 155223
COMPANY Call - START 0 to 1909
SIM NO.enna - *1#
BAL Transfer na - Dial *367*3#
LOAN pukna - Sms 'YCR' to 51234MSG centre no. - 919863002222 Internet Setting dilna: Aircel type ALL or PI send to 121
3.AIRCEL :
Main BAL - *125# OR *128#INT pack - *129#
INT settings - sms 'PI' or 'ALL' to 121
UNSUB (VAS) - 'STOP' to 15522
3COMPANY call - call 1909
SIM no enna - *234*4#  or *131#or *1#
BAL t…

SETTOP BOX (Willett company) REMOTE SYNC DAN:

Settop box nei tawh ten Remote pahnin pathum hum reng kan peih lo tlangpui ang. Settop box a Volume phei chu 32 thleng a awm a, thenkhat tan chuan a ring tawk lo thei. tin, TV power off dawn a remote pahnih chhawp ziah pawh a ninawm thuai ang. A hnuaia mi ang hian ilo set ve mai dawn a nia. 1. Settop remote leh TV remote kha in sichat in; sensor veve in hawitawn tir la. 2. Settop remote ah khan SET tih (TV control tih chhung a mi) kha hmet vang vang rawh. Light a rawn sen phet ang. 3. Settop Remote a TV control tih chhung a V+ kha hmet lang. 4. TV Remote a volume + hmet leh rawh. a phe kha a muang atanga a phet zeuh zeuh hunah SET tih kha i hmet leh ang. Settop Remote a TV control a V+ kha TV zawnah hmet lang. TV volume a lo ring tawh ang. chu tiang chiah chuan V- te TV-IN (AV1-3) te, TV Power te kha set leh mai tur a ni.